MUNDUSVINI, 2011: მარანი კონდოლის ვენახის საფერავი-მერლო 2007 ოქროს მედალს იღებს

თელავის ღვინის მარანმა შემოდგომის დასაწყისი დიდი წარმატებით აღნიშნა: კომპანიის ღვინოებმა მსოფლიოს ერთ-ერთ ყველაზე გავლენიან კონკურსზე MUNDUSVINI, 2011-ზე (ნოიშტადტი, გერმანია) ოქროსა და ვერცხლის მედლები მოიპოვა. კომპეტენტურმა ჟიურიმ მარანის კონდოლის ვენახების საფერავი-მერლო 2007 და მარანის კონდოლის ვენახების საფერავი 2007 დანარჩენ 5000 ღვინოში გამოარჩია და შესაბამისად ოქროს და ვერცხლის მედლებით შეაფასა. ეს აღიარება ერთ-ერთია იმ მრავალ ჯილდოს შორის, რომლებიც კონდოლის ვენახის ღვინოებმა დაიმსახურა ბოლო პერიოდში. კერძოდ, მარანის კონდოლის ვენახების საფერავი-მერლო 2007-მა 12 ჯილდო მიიღო 2009, 2010 და 2011 წლებში, ხოლო მარანის კონდოლის ვენახების საფერავი 2007-მა 5 პრიზი მოიპოვა 2009-2011 წლებში.