სატრაპეზო აისვაინ კაბერნე

კონდოლის ვენახის კაბერნე სოვინიონის ნაკვეთში ყურძენი დაიკრიფა დეკემბრის თვეში, მას შემდეგ, რაც გარემო ტემპერატურამ დაიწია -9°C -მდე და ყურძნის მარცვალები მთლიანად გაიყინა ვაზზე. რადგან მარცვალში არსებული წყლის მნიშვნელოვანი ნაწილი გაყინულია, გამოწურული წვენის გამოსავალი ძალიან მცირეა, მაგრამ საოცრად კონცენტრირებულია ყურძნის შაქრით, მჟავებით და არომატული ნივთიერებებით. ყურძენი შერჩევით დაიკრიფა სისხამ დილით, მცირე ზომის ყუთებში, მარანში კიდევ ერთხელ გადაირჩა, მოსცილდა ყველა დაზიანებული მარცვალი და ნაზად გამოიწნეხა კალათისებურ წნეხში. დუღილი მიმდინარეობდა კონტროლირებად ტემეპერატურაზე (16-18°C) უჟანგავი ფოლადის რეზერვუარში ორი თვის განმავლობაში. ბოთლში ჩამოსხმამდე ღვინო ინახება გაციებულ მდგომარეობაში 0°C ტემპერატურაზე 6 თვის მანძილზე. ღვინის ჩამოსხმის შემდგომ ბოთლში დავარგება გაგრძელდა კიდევ 6 თვე.