მარანი ქინძმარაული ბიო

კუდიგორას ვენახების ბიო-სექტორის დამუშავება და მოვლა წარმოებს ორგანული მევენახეობის წესების და პრინციპების სრული დაცვით. აქ მომწიფებული ყურძენი იკრიფება ხელით მცირე ზომის ყუთებში, სიმწიფის პიკზე. კლერტის ნაზად გაცლასა და დაწურვას მოსდევს უჟანგავი ფოლადის რეზერვუარებში კონტროლირებად ტემპერატურაზე (23-28°C) მიმდინარე დუღილი დელესტაჟისა და რემონტაჟის მეთოდების გამოყენებით. 5-7 დღიანი მაცერაციის შემდეგ, როდესაც მიიღწევა ნარჩენი შაქრის სასურველი დონე, დუღილი ჩერდება გაციებით და შემდგომი ფილტრაციით, რითაც ვინარჩუნებთ ღვინის ყურძნისეულ არომატებს, ბუნებრივ სიტკბოსა და სიხალისეს. ამის შემდგომ, ბოთლში ჩამოსხმამდე, ღვინო ინახება იზოთერმულ რეზერვუარებში ცივად 0°C ტემპერატურის დიაპაზონში.